Сёння 18.07.2022 адбывалася паседжанне па ліквідацыі БКДП і мы не маем сумневаў наконт таго, што закрылі сёння і адзіную сумленную асацыяцыю прафсаюзаў.
13.07.2022 "вярхоўным судом" былі ліквідаваныя прафсаюзы БНП і РЭП. 14.07.2022 гэтым жа “судом” ліквідаваны прафсаюзы СПМ і СПБ. Пасля паседжання 14.07.2022 быў затрыманы па дарозе дадому старшыня СПБ Мікалай Шарах.
"Рабочы Рух" выказвае сваю салідарнасць з арыштаванымі лідэрамі і функцыянерамі арганізацый, якія ўваходзяць у склад БКДП. Вялікі дзякуй за Вашу працу!
І вось чаму мы дзякуем:
1️⃣ Пераадольваючы пастаянныя рэпрэсіі ў дачыненні да сябраў незалежных прафсаюзаў, БКДП праводзілі вельмі важную працу з Міжнароднай Арганізацыяй Працы (МАП) ААН. Яны даносілі рэальную інфармацыю аб тым, што адбываецца ў Беларусі. Рэжым рыхтаваў афіцыйныя даклады, што ўсё добра, а БКДП рабіў свой даклад. І гэты даклад рэальна ўлічваўся сусветнай супольнасцю пры адзнацы сітуацыі з правамі працаўнікоў у Беларусі.
2️⃣ На падставе працы БКДП і МАП выносіліся рэкамендацыі да ўрада Беларусі для прывядзення заканадаўства ў адпаведнасць міжнародным нормам і ратыфікаваным канвенцыям.
3️⃣ Усе незалежныя прафсаюзы намагаліся аб'яднання працаўнікоў для адстойвання сваіх правоў і вядзенне рэальных калектыўных перамоваў з працадаўцамі. Неглядзечы на рызыкі праводзіліся семінары і адукацыйныя прафсаюзныя мерапрыемствы
4️⃣ Пасля пачатку поўнамаштабнага ўварвання зс рф ва Украіну прафсаюзы адназначна сваімі заявамі выказвалі антываенную пазіцыю.
У адказ на гэта беларускі рэжым кінуў функцыянераў прафсаюзаў за краты і растоптвае арганізацыі, створаныя працоўнымі і для працоўных.
Неглядзечы на забарону працы незалежных прафсаюзаў, якія рэальна стаялі на баку працоўных мы працягваем змагацца за нашую долю больш рашучымі, але ўсё яшчэ мірнымі метадамі. Ніякія рашэнні рэжымных структур не могуць нас спыніць ад сумеснай барацьбы за свае правы.
Нягледзячы ні на што, мы разам змагаемся за звальненне сумленных дзеячаў працоўнага руху і нашу сумесную светлую будучуню!
І так пераможам! Жыве Беларусь!
