Сёння ў Гомельскім абласным судзе пачалося судзілішча над абвінавачанымі па справе "Рабочага Руху"

У гомельскім СІЗА-3 ужо больш за 13 месяцаў утрымліваюцца работнікі розных прадпрыемстваў краіны:

- БЧ: Ганна Аблаб і Сяргей Дзюба

- Гродна Азот: Уладзімір Жураўка, Сяргей Шэлест, Андрэй Пагерыла

- БМЗ: Аляксандр Гашнікаў

- Гродна Хімвалакно: Валянцін Цярэневіч

- Нафтан: Аляксандр Капшуль і Ігар Мінц

- Атлант: Сяргей Шамецько.

За перашкоды недэмакратычным працэсам у краіне затрыманых завадчан абвінавачваюць у "зборы закрытай інфармацыі на прамысловых прадпрыемствах па заданні замежных спецслужбаў (Літвы і ЗША)". Гэта хлусня і складае сутнасць абвінавачанняў па артыкуле 356 КК РБ "Здрада дзяржаве". Ужо пасля затрыманняў верасня 2021 года "Рабочы Рух" быў першай арганізацыяй прызнанай рэжымам "экстрэмісцкім фарміраваннем". З-за гэтага работнікаў судзяць яшчэ па артыкуле 361-1 КК РБ "Удзел у экстрэмісцкім фарміраванні".