У Жэневе праходзіць 111-я Міжнародная Канферэнцыя Працы (МКТ), у якой удзельнічае прадстаўнік нашага аб'яднання, акрэдытаваны ад польскага прафсаюза «Салідарнасць» Юры Рававой.
Адной з цэнтральных тэм з'яўляецца ўвядзенне мер прымусу ў дачыненні да беларускага рэжыму. Звязана гэта з парушэннямі свабоды аб'яднання ў незалежныя прафсаюзы і немагчымасці ўдзельнічаць у калектыўных перамовах з наймальнікам арганізацый, якія рэальна створаны рабочымі. Гэтыя парушэнні доўжацца ўжо больш за 20 гадоў! Справа аб парушэнні Канвенцый МАП нумар 87 і нумар 98, якія абавязваюць Беларусь мець свабоду на аб'яднанне, доўжылася з 2003 года. Але пасля арышту ў 2022 годзе мноства прафсаюзных лідэраў і ліквідацыі прафсаюзаў аб'яднаных у Беларускі Кангрэс Дэмакратычных Прафсаюзаў (БКДП) стала зразумела, што беларускі рэжым не толькі не мае намеру рухацца ў бок выканання рэкамендацый Камісіі па расследаванні, але і пагоршыў сітуацыю. Такія дзеянні рэжыму прымусілі МАП рэагаваць рашуча.
У МАП была запушчана працэдура прымусу паводле 33 артыкула МАП. Гэты артыкул быў ужыты толькі аднойчы за больш чым 100-гадовую гісторыю МАП у дачыненні да ваеннай хунты ў М'янме. па расследаванні адносін, якія яны могуць мець з урадам Беларусі».
Фактычна гэтая рэзалюцыя дасць права рваць усе адносіны з беларускім рэжымам да пачатку сапраўднага сацыяльнага дыялогу ў Беларусі.
Канчатковае рашэнне аб прыняцці рэзалюцыі па Беларусі застаецца за дэлегатамі Канферэнцыі 187 краін свету на Пленарным Пасяджэнні, якое адбудзецца 12 чэрвеня 2023 года.
.jpg)